Shkup, 21 shkurt – Në rrjetet sociale është bërë thirrje për protestë në Strugë kundër EVN-së, si pasojë e faturave enorme të lëshuara nga EVN për harxhim të energjisë elektrike, shkruan Flaka.
Thirrja vjen nga banori i Struges Lindim Etemi.
“Pse kemi frikë? Ore, kur do vij dita që të protestojmë para EVN-së në të gjithë Maqedoninë e Veriut? Ore, kur do guxojmë të ngrejmë zërin? Ore, a i përballoni dot përbaltjet prej shumë vitesh, i përballoni dot ato fatura, 7, 20, 30, 40 mijë në muaj? Nëse i përballoni, atëherë hallall ua bëftë Zoti.Pse kemi kaq frikë dhe nga kush? Unë protestoj dhe këtë do ta bëj i pari para EVN-së në Strugë! Hajde të bëhemi bashkë”, apelon Etemi.
“Mua më ke pas çdoherë në protesta por unë do kërkoj rritje 300%”, vjen përkrahje nga banori tjetër i Strugës, Riat Ramadani.
“Thuaje oren beju sebep ti , kur ? pyet banori tjetër strugan, Egzon Xhaferi.
Së fundmi, janë shtuar zërat për protesta kundër EVN-së.
