Donald Trump është përpjekur të negociojë një shitje të mundshme të TikTok në televizion drejtpërdrejt, në atë që supozohej të ishte një njoftim për investime në infrastrukturën e inteligjencës artificiale (AI).
Presidenti amerikan po mbante një konferencë shtypi rreth një investimi prej 500 miliardë dollarësh në infrastrukturën e AI në SHBA, por u pyet për një sërë temash.
Në një moment ai u përpoq të negocionte shitjen e TikTok me biznesmenin amerikan Larry Ellison, i cili thuhet se vlen më shumë se 204 miliardë dollarë.
Kur u ngrit tema e TikTok, Trump tha se ishte “i hapur” për mikun e tij të ngushtë Elon Musk duke blerë aplikacionin, duke shtuar: “Unë do të isha, nëse ai do të donte ta blinte atë. Do të doja që Larry [Ellison] ta blinte po ashtu”.
“Marrëveshja mendoj se është kjo. Unë jam takuar me pronarët e TikTok, pronarët e mëdhenj, është e pavlerë nëse nuk merr leje… me një leje vlen sa një trilion dollarë”, shtoi Trump.
“Ajo që po mendoj t’i them dikujt është ta blejë atë dhe të japë gjysmën në SHBA, dhe ne do t’ju japim një leje… SHBA do të jetë partneri përfundimtar dhe SHBA do ta bëjë shumë të vlefshëm për ta”, tha për fund presidenti i ri amerikan.
Gjatë konferencës për shtyp, Trump tha gjithashtu se mori një “letër shumë të bukur” nga Joe Biden në largim.
“Ishte pak një letër e tipit frymëzues, gëzim, bëj një punë të mirë, e rëndësishme, shumë e rëndësishme është puna, mendoj se ishte një letër e bukur, mendoj se duhet t’i lë njerëzit ta shohin atë… E vlerësova letrën ”, tha ai.
I pyetur se si e justifikonte faljen e protestuesve të dënuar të dhunshëm, disa prej të cilëve sulmuan policinë, ai tha: “Unë jam miku i policisë më shumë se çdo president që ka qenë në këtë zyrë. Atyre u është dhënë një falje, mendova se dënimet e tyre ishin qesharake dhe të tepruara”.
