Shkup, 8 gusht, Zhurnal.mk – VLEN ka reaguar lidhur me rastin gjyqësor “Lotaria” dhe procedurën ndaj ish-zëvendëskryeministrit Artan Grubi, duke kërkuar nga Prokuroria sqarime për ecurinë e hetimeve dhe arsyet e vonesës së procedurës.
VLEN thekson se kanë kaluar gati gjashtë muaj nga caktimi i masës së arrestit shtëpiak ndaj Grubit, ndërsa, sipas tyre, ende nuk ka aktakuzë në këtë rast.
“Po bëhen gati gjashtë muaj nga caktimi i arrestit shtëpiak për kutinë e zezë të BDI-së, Artan Grubin, në rastin ‘Lotaria’, ndërsa nga aktakuza ende s’ka nam e nishan. Më 22 gusht skadon afati maksimal i kësaj mase, kurse Prokuroria vazhdon me hapa breshke”, thuhet në reagimin e VLEN-it.
Nga kjo parti ngrihet edhe pyetja nëse Grubi ka dhënë informacione gjatë procedurës, duke aluduar se kjo mund të jetë një nga arsyet e zvarritjes së rastit.
“Mos vallë Artan Grubi e ka hapur gojën, ka kënduar si bilbil dhe për këtë arsye po zvarritet e gjithë çështja?”, deklaron VLEN.
Partia gjithashtu ngre shqetësime lidhur me një tjetër dosje që, sipas saj, lidhet me arsyet për të cilat Grubi është futur në listën e zezë të Shteteve të Bashkuara të Amerikës.
VLEN rikujton se autoritetet amerikane e kanë sanksionuar Grubin për korrupsion të nivelit të lartë dhe përmend rastin që lidhet me pretendimet për marrje ryshfeti me qëllim lirimin nga burgu të ish-drejtorit të DSK-së, Sasho Mijallkov.
“Artan Grubi nuk është dosido ish-funksionar. Ai është kutia e zezë e BDI-së. E di kush i tërhiqte pejtë, kush i ndante pazaret dhe në cilët xhepa përfundonin paratë e kumarit”, thuhet më tej në reagim.
VLEN e lidh këtë çështje edhe me kryetarin e BDI-së, Ali Ahmeti, duke pretenduar se informacionet që mund të disponojë Grubi mund të kenë rëndësi për funksionimin e mëparshëm të partisë.
Në fund, VLEN i kërkon Prokurorisë që të dalë publikisht me informacione për ecurinë e rastit “Lotaria”, duke kërkuar sqarime se pse ende nuk është ngritur aktakuzë, ku kanë mbetur procedurat dhe çfarë veprimesh janë ndërmarrë pas konstatimeve të autoriteteve amerikane.
“Mos vallë Artan Grubi e ka hapur gojën, ka kënduar si bilbil dhe për këtë arsye po zvarritet e gjithë çështja?”, deklaron VLEN.
Partia gjithashtu ngre shqetësime lidhur me një tjetër dosje që, sipas saj, lidhet me arsyet për të cilat Grubi është futur në listën e zezë të Shteteve të Bashkuara të Amerikës.
VLEN rikujton se autoritetet amerikane e kanë sanksionuar Grubin për korrupsion të nivelit të lartë dhe përmend rastin që lidhet me pretendimet
