Shkup, 7 maj, Zhurnal.mk – Pas akuzave të ngritura nga Bashkimi Demokratik për Integrim për keqpërdorime në MEPSO, ka reaguar koalicioni VLEN, duke i cilësuar pretendimet si manipulime dhe përpjekje për dezinformim të opinionit publik.
Në reagimin e tyre, nga VLEN thonë se BDI po e paraqet si korrupsion zgjedhjen e ofertës më të lirë, vetëm sepse, sipas tyre, nuk mund të pajtohet me faktin që MEPSO nuk kontrollohet më nga strukturat e kësaj partie.
“BDI përsëri gënjen, manipulon dhe e nënçmon opinionin publik. Ofertën më të lirë e paraqesin si korrupsion, sepse nuk mund të pajtohen me faktin se MEPSO nuk është më kasa e tyre partiake”, thuhet në reagimin e VLEN.
Sipas tyre, në procedurën konkrete është përzgjedhur oferta më e favorshme financiarisht, me vlerë prej 184.535 denarësh pa TVSH, ndërsa oferta e dytë ka qenë 651.165 denarë pa TVSH.
Nga VLEN theksojnë se diferenca prej 466.630 denarësh tregon se oferta e zgjedhur është rreth 72 për qind më e ulët.
“Çfarë saktësisht e pengon BDI-në? Që është zgjedhur oferta më e lirë? Apo që më nuk mund të vendosin ata se kush do t’i fitojë tenderët?”, pyesin nga koalicioni.
Në reagim sqarohet gjithashtu se bëhet fjalë për kontratë kornizë dhe jo për pagesë automatike të shumës së plotë.
“Vlera maksimale nuk do të thotë se do të shfrytëzohet e gjithë shuma, as se paratë janë paguar paraprakisht. Porositë realizohen sipas nevojës dhe sipas punëve të kryera realisht”, thuhet në komunikatë.
VLEN akuzon BDI-në se reagimi i saj lidhet me ndërprerjen e skemave të vjetra të interesit në MEPSO.
“BDI bërtet sepse MEPSO ka filluar t’i ndërpresë skemat e vjetra. Bërtasin sepse u ndërpre kontrata në të cilën, sipas informacioneve publike, paraqitej edhe interesi i Nefit nga Ohri, i afërt me Ali Ahmetin dhe Bujar Osmanin”, thuhet në reagim.
Nga koalicioni kërkojnë përgjigje nga BDI për kontratat e mëparshme dhe për interesat që, sipas tyre, kanë ekzistuar në ndërmarrje.
“MEPSO nuk do të jetë më bankomat për interesa partiake dhe familjare”, deklarojnë nga VLEN.
Në fund, VLEN përsërit se procedura është realizuar sipas ligjit dhe se është zgjedhur oferta m
