Shkup, 27 tetor, argument.mk/ – VMRO-DPMNE akuzon se pothuajse një vit pas marrjes së funksionit të kryetarit të komunës, Vanço Mitev nga LSDM-ja ende nuk i ka realizuar projektet e premtuara në Komunën e Zërnovcit, duke vënë në dukje problemet me ujin e pijshëm, infrastrukturën, sportin dhe përmbajtjet kulturore.
Nga partia theksojnë se gjatë dy muajve të fundit janë publikuar dy raporte negative nga Qendra për Shëndet Publik, për shkak të të cilave është rekomanduar ndalimi i përdorimit të ujit për pije.
VMRO-DPMNE pretendon se nuk ka përparim as në projektet lokale të paralajmëruara, ndër të cilat rrethimi i bregut të lumit Zërnovka, ndërtimi i një shtegu për këmbësorë, një stacioni për qen dhe një kompleksi sportiv për të rinjtë.
Në kumtesë përmendet edhe gjendja e sportit, me pretendime se klubi i futbollit është shuar, fusha sportive është lënë pas dore, ndërsa ngjarjet kulturore nuk janë realizuar sipas paralajmërimeve.
Nga VMRO-DPMNE kërkojnë që kryetari i komunës, Vanço Mitev, të përgjigjet se kur do të fillojë realizimi i projekteve të premtuara dhe porosisin se banorët e Zërnovcit presin zgjidhje konkrete për përmirësimin e kushteve të jetesës.
