Zëdhënësi i Policisë së Kosovës për rajonin e Gjakovës, Sheremet Elezaj ka bërë të ditur për Telegrafin se sot rreth orës 05:50 të mëngjesit, një zjarr ka përfshirë një fabrikë për produkte plastike në fshatin Bellacerkë-Rahovec.
Elezaj njoftoi se njësitë policore përkatëse kanë dalë menjëherë në vendngjarje.
“Po ashtu, në vendin e ngjarjes kanë dalë edhe ekipet e zjarrfikësve, të cilët janë aktualisht të angazhuar në shuarjen e tërësishme të zjarrit. Nuk është raportuar për pasoja në njerëz”, tha ai.
Elezaj tutje bëri të ditur se në konsultim me Prokurorin e Shtetit është iniciuar rast “zjarrvënie”.
