Manastir, 9 qershor – Ministri i Kulturës dhe Turizmit, Zoran Ljutkov në shoqërim të kryetarit të Komunës, Toni Konjanovski sot realizoi vizitë tek disa institucione nacionale kulturore në Manastir.
Ljutkov deklaroi se gjatë vizitës në IN Teatri popullor, IN Qendra për kulturë dhe IN Enti dhe Muezu=Manastir u informua për gjendjet në institucionet nacionale dhe të bëjmë, siç tha, paralele që e kemi gjetur para një viti dhe një vit më pas pasi që unë jam emëruar ministër t’i shohim rezultatet që janë arritur.
“Më duhet të them se është bërë hap i madh përpara nga ajo që ka ndodhur në vitin 2024 dhe çka tani po ndodhë në vitin 2025. Atëherë patëm shumë buxhete të vogla dhe institucione të lëna pas dore, tani kemi buxhete dyfish më të mëdha dhe realizim dyfishm më të madh. Drejtorët e rinj në mënyrë të drejtë i shpenzojnë mjetet buxhetore dhe në IN Enti dhe Muzeu-Manasitr është realizuar projekti për restaurim të fasadës së përparme për çka janë ndarë 1,2 milionë denarë, këtë vit do të realizohet rregullimi parter i lapidariumit në vlerë prej rreth 1,4 milionë denarë, është renovuar këndi i suvenireve dhe është bërë nga mjete të veta të Muzeut, hulumtimet arkeologjike të cilat në shtatë vitet e fundit çdokund në shtet ishin reduktuar në minimum aktivitete, ndërkaq tani investojmë edhe në hulumtime arkeologjike të cilat përjetojnë rilindje të llojit të vet”, theksoi ministri Ljutkov.
Në deklaratë për mediumet, ministri Ljutkov konfirmoi se me vendim të Qeverisë është shuar Agjencia për mbështetje dhe promovim të turizmit.
“Përfundimisht resorin e turizmit do ta kemi në duar të Ministrisë së Kulturës dhe Turizmit me çka do të mund të punojmë në programin për vitin 2026 dhe për përpunim të strategjisë së re nacionale për zhvillim të turizmit. Ne duhet bashkarisht me strategjitë t’i brendojmë qytetet tona dhe në atë kuptim Manastiri ka përparim të madh”, theksoi Ljutkov dhe paralajmëroi vizitë të re në qytet kur do të shënohet fillimi i rikonstruimit të ish-kinemasë “Partizan” në Manastir për çka janë siguruar 94 milionë denarë.
Sipas kryetarit të Komunës, Toni Konjanovski, shtatë institucionet nacionale nga fusha e kulturës të cilat janë në Manastir paraqesin krenari të qytetit.
Nga Komuna e Manastirit konfirmuan se do të vazhdojnë t’i mbështesin manifestimet kultuore nacionale në këtë qytet siç janë festivali “Ditët e Ilindenit” dhe Festivali internacional i filmit dhe kamerës “Vëllezërit manaki” dhe të tjera.
