Shkup, 23 qershor – Uji në Shkup është cilësor dhe i sigurt për pije, tregojnë rezultatet nga analizat të cilat i bëri NP “Ujësjellësi dhe kanalizimi” – Shkup.
“Sektori për kontroll sanitar në periudhën prej 16 qershor 2025 deri 20 qershor 2025 mori 212 mostra për analizë fizike-kimike dhe 212 mostra për analizë mikrobiologjike të ujit për pije nga 48 vende matëse në Qytetin e Shkupit. Në bazë të rezultateve të marra nga hulumtimet, të gjitha mostrat korrespondojnë me Rregulloren për kërkesa për siguri dhe cilësi të ujit për pije”, thuhet në kumtesën e “Ujësjellësi dhe Kanalizimi” – Shkup.
