Shkup, 11 korrik – Ligjet e miratuara reformuese, Ligji për nëpunës administrativë, Ligji për të punësuarit në sektorin publik dhe Ligji për përsosje dhe trajnim profesional të nëpunësve administrativë do të thonë fund për punësimet partiake, klientelizmin dhe reformat formale që me vite shërbenin si paravan për mosfunksionalitet, porositi sot ministri i Administratës Publike, Goran Minçev.
Ai në konferencë për shtyp informoi se këto ligje nuk janë vetëm dokumente teknike, por se janë simbol i angazhimit për evropianizim të shoqërisë, për ndërtim të një administrate profesionale dhe përgjegjëse publike, në shërbim të qytetarëve dhe në hap me standardet e Bashkimit Evropian.
Lidhur me Ligjin për nëpunësit administrativë sqaroi se me të vendoset sistem për punësim kryesisht përmes kompetencave dhe njohurive reale, me teste elektronike dhe kontrolle praktike. Lidhur me Agjencinë për administratë, ecila si pjesë integruese e Ministrisë, tha se do të garantojë proces zgjedhor të drejtë dhe transparent, të digjitalizuar dhe dinjitoz për opinionin.
Sipas tij, Ligji për nëpunësit administrativë mes tjerash do të thotë tërheqje dhe ruajtje të talentëve të rinj me model hibrid dhe në distancë të punës, mbështetur me mentorim dhe mundësi për zhvillim të vazhdueshëm, sistem motivues për rritje profesionale me përsosje të detyrar profesionale dhe mentorim për secilin nëpunës dhe status të qartë mbrojtës të nëpunësve shtetëorë si themel të një administrate stabile dhe të depolitizuar shtetërore.
Ligji për përsosje profesionale, minisrtri tha se paraqet sistem të parë ligjor për përsosje profesionale në historinë e shtetit, i cili e bën mësimin të detyruar dhe të vazhdueshëm.
Krahas kësaj pakoje të ligjeve reformuese, Kuvendi e miratoi edhe Ligjin e ri për mbikëqyrje inspektuese me të cilin hiqen pozitat funksionarëve në Këshillin inspektues si dhe integrimi i Këshillit inspektues në suaza të Ministrisë së Administratës Publike.
Ministri paralajmëroi pako të re të ligjeve reformuese, siç janë Ligji për shërbim të lartë udhëheqës, Ligji për organizim dhe punë të organeve të administratës shtetërore dhe Ligji për vendosje të sistemit për rroga në sektorin publik.
I pyetur nëse me ligjet e reja rroga do të ulet tek disa të punësuar, ministri u prëgjigj në mënyrëp decide se rrogat nuk do të ulen.
Qëllimi ynë, siç tha, është në këto zgjidhje ligjore ta ndalim procesin e rritjes së pavarur të rrogave me qëllim që këta të cilët marrin më shumë të ndalen, ndërsa ata të cilët marrin më pak dhe për të cilët më duhet të them, se me të vërtetë kanë rroga modeste, të arrijmë ato mjete t’i rikahëzojmë drejt tyre, përkatësisht rrogat e atyre të cilët marrin më pak të rriten.
