Shkup, 15 korrik – Në dy ditët e ardhshme do të mbajë mot shumë i nxehtë. Të enjten në orët e pasdites dhe të mbrëmjes do të ketë paqëndrueshmëri lokale me shira të rrëmbyeshëm, bubullima dhe erë të fortë.
Siç informojnë nga DPHM, për shkak të depërtimit të shpejtë të një mase ajrore më të freskët nga veriu, të premten moti do të jetë i ndryshueshëm me vranësira, pak më i freskët, paradite me kushte për paqëndrueshmëri lokale. Në ditët në vijim moti do të jetë i qëndrueshëm dhe i ngrohtë me rritje të temperaturës.
