Berovë, 22 korrik – Në Berovë po digjet mali Goten, të gjitha forcat nga toka dhe ajri janë angazhuar për t’u përballur me stuhitë e zjarrit, tha Dimitar Goshev komandant i Njësitit Territorial të Zjarrfikësve (NJTZ) – Berovë. Ai theksoi se është përfshirë një sipërfaqe më e madhe, ndërsa aktualisht, terreni i vështirë dhe era po shkaktojnë probleme shtesë në shuarjen e zjarrit.
“Që nga dje, zjarri nga Strumicë është shtrirë në Berovë, gjegjësisht në malin Goten. Ekipi i NJTZ – Berovë ka dalur në terren, si dhe Pyjet e Maqedonisë, kemi mbështetje edhe nga Armata. Era e bënë të veten, stuhia e zjarrit është e madhe. Gjithçka që mundet po vendoset nën kontroll, megjithatë stuhia e zjarrit është e madhe. Bëhet fjalë për pyll me kërcell të ulët, pyje lisi, terreni është i ndryshëm”, tha Goshevski.
Në rajonin ku digjet pylli, ka vila, bletari, dhe kasolle të vjetra.
Ai shtoi se në terren nga ana e Berovës janë mbi 100 persona, nga institucionet dhe vullnetarët. Sasia e siperfaqes së djegur do të përcaktohet më vonë.
