Shkup, 12 gusht – Me shpalljen e datës së zgjedhjeve, kanë filluar të lindin portale partiake si “këpurdhat pas shiut”. Kjo e tëra po bëhet nga partitë politike, me të vetmin qëllim që nëpërmjet këtyre portaleve fiktive, të bëhen raportime të pasakta, të lëshohen sa më shumë shpifje, akuza e kundër akuza në publik, shkruan “Zhurnal.mk”.
Një lojë të tillë mediatike e kishte bërë dikur BDI-ja, sidomos në zgjedhjet e fundit, kur nën diktatin e Artan Grubit kishin hapur me dhjetëra portale fiktive të cilat publikonin dhe shpërndanin lajme të rreme gjithandej. Kjo politikë e bombardimit të qytetarëve me lajme të rreme, i kushtoi shumë kësaj partie, sepse kur doli në shesh e vërteta, populli nuk i beson më kësaj partie.
Fushata e Artan Grubit ishte ngjashëm si ngjarja e bariut kur e gënjeu fshatin se “ujku ia hëngri delet, dhe në fund kur me të vërtetë ujku ia sulmoi delet, askush nuk i doli në ndihmë”!
Tani shtrohet pyetja se a po e bën të njëjtin gabim edhe VLEN-i, ku portale të shumta janë duke u lancuar në publik, të cilat mundohen me lajme të rrejshme të bëjnë fushatë zgjedhore.
Në zgjedhjet e kaluara parlamentare, u fol shumë për portalet që krijohen nga hiçi. Disa muaj para zgjedhjeve hapen portale nga hiçi të cilat përhapin lajme të rreme dhe marrin para nga shteti, ndërsa në fund mbyllen dhe nuk japin asnjë llogari për dënim e shkaktuar.
Pra përveç qëllimit që këto portale partiake hapen për të lëshuar në opinion sa më shumë shpifje, akuza dhe lajme të rreme, ata nëpërmjet këtyre portaleve bëjnë larje të parave, i qarkullojnë paratë nga një “xhep në tjetrin” dhe thithin nga buxheti i shtetit i ndarë për reklama dhe për partitë politike.
Maqedonia e Veriut është vend i njohur botërisht për “fake news” ose lajme të rreme që lëshohen nga portale të sapohapura, e që shpesh herë janë nga aktivistë partiak, por këtu përfshihen edhe shëbrime të ndryshme. Me portale të “ad hoc” dhe me lajme të rreme në Maqedoninë e Veriut ndikon shumë edhe propaganda ruse dhe ajo serbe, sepse shpërndajnë lajme që kanë për qëllim përçarje etnike dhe shkaktojnë trazira, ndërsa shpesh në gjuhën shqipe shfaqin gënjeshtra dhe shpifje për procese të ndryshme, kryesisht në aspektin etnik.
Të dhënat vitin e kaluar nga Komisioni Shtetëror Zgjedhor treguan se mbi 800 mijë euro janë shpenzuar në zgjedhjet parlamentare për reklamim në më shumë se 150 portale të internetit.
Vitin e kaluiar para zgjedhjeve parlamentare pranë Komisionit Shtetëror të Zgjedhjeve për financim për reklamim partiako-politik në fushatën zgjedhore kishin aplikuan 250 portale online, ndërsa mësohet se rreth 150 portale kishin marrë para nga shteti.
Një portal mund të marrë maksimum 15.000 euro nga një pjesëmarrës në zgjedhje, ndërsa çdo parti ose koalcion zgjedhor vendos vetë se cilit portal online do t’ia japë paratë për reklama.
Se portalet partiake krijohen vetëm e vetëm për të marrë reklama dhe janë në gjendje të shpërndajnë çdo lajm partiak ishte fkati se në atë listë të portaleve që përfituan ishin portale që nuk janë të regjistruara në domenin .mk, që nuk kanë të dhëna për pronësinë, që nuk kanë impresum, ose nuk kanë të dhëna për botuesin apo redaksinë, që nuk janë portale klasike informative etj.
Aktivistë partiakë pak para zgjedhjeve kanë hapur portale me lajme të transkriptuara për një periudhë të shkurtër para zgjedhjeve, kanë marrë nga partia disa mijëra euro për reklama dhe i kanë mbyllur mediat pas procesit zgjedhor dhe pas përfundimit të pagesave.
Këtë gabim nuk guxon ta bëj VLEN-i njejtë siç e bëri BDI-ja sepse populli thotë “duke ia bë gropën tjetër kujt, bie vetë në të” e sidomos me portale partiake e me lajme të rreme e humb kredibilitetin te mediat serioze që janë të njohura në vend dhe më gjerë, shkruan Zhurnal.mk
