Shkup, 26 gusht – Zëvendëskryeministri i parë shqiptar, z.Izet Mexhiti, ka uruar Dimal Bashën për zgjedhjen e tij në postin e Kryetarit të Kuvendit të Republikës së Kosovës.
Në urimin e tij publik, Mexhiti thekson rëndësinë e këtij roli për demokracinë dhe zhvillimin institucional në Kosovë, duke i dëshiruar Bashës sukses dhe rezultate konkrete në shërbim të qytetarëve.
“I nderuar z. Dimal Basha,
Urime për zgjedhjen tuaj si Kryetar i Kuvendit të Kosovës! Ju uroj shumë sukses në këtë detyrë të rëndësishme, punë të mbarë dhe rezultate të prekshme në shërbim të qytetarëve të Kosovës,” – thuhet në urimin e Izet Mexhitit.
Zgjedhja e Dimal Bashës në krye të Kuvendit të Kosovës është konsideruar një hap i rëndësishëm në rifunksionalizimin e institucioneve, ndërsa urimet nga figura politike rajonale tregojnë interesin dhe mbështetjen për stabilitetin dhe progresin e Kosovës.
