Shkup, 28 gusht – Kandidati për kryetar të Komunës së Çairit nga koalicioni Vlen, Izet Mexhiti, mori pjesë sot në turneun e sporteve elektronike që u zhvillua pranë shtatores së Skënderbeut në Çair.
“Çairi është gjithmonë në hap me kohën, jo vetëm në histori, por edhe në zhvillimet teknologjike. Sportet elektronike tashmë janë profesion dhe me themelimin e klubit do t’u japim mundësi të rinjve tanë të përfaqësohen edhe në arenën botërore”, tha Mexhiti.
Ai siguroi se Komuna e Çairit do të mbështesë fuqimisht këtë iniciativë, pasi në këtë komunë ka shumë të rinj të talentuar që tashmë janë aktivë edhe në gara ndërkombëtare.
Në fund, Mexhiti paralajmëroi mbështetjen për krijimin e klubit CS 2.0 në Çair, i cili do të shndërrohet në qendër për të gjithë të rinjtë e apasionuar pas sporteve elektronike.
