Tiranë, 3 prill – argument.mk/ –Shërbimi Meteorologjik Ushtarak bëri të ditur se vendi ynë ditën e premte do të ndikohet nga kushte atmosferike kryesisht të paqëndrueshme.
Moti parashikohet nga orët e para të ditës deri në orët e mesditës me vranësira mesatare deri të dendura si dhe intervale me diell. Pas orëve të mesditës dhe kryesisht ato të pasdites mot me kthjellime e alternime vranësirash kalimtare më të theksuara në relievet malore në lindje.
Reshjet e herëpashershme të shiut me intensitet të ulët parashikohen që prej orëve të para të 24-orëshit. Gjatë ditës pritet që reshjet e shiut të vijojnë në mënyrë të herëpashershme me intensitet kryesisht të ulët në një pjesë të madhe të territorit, hera-herës në formën e shtrëngatave afatshkurtra. Në zonën e Alpeve, në verilindje – juglindje në lartësinë mbi 1000-1100 metër reshje bore me intensitet të ulët. Pas orëve të pasdites pritet ndërprerja e reshjeve të shiut në pjesë më të madhe të territorit.
Era do të fryjë me drejtim verilindje – veriperëndim me shpejtësi mesatare 7 m/s, përgjatë vijës bregdetare e zonave luginore era pritet të fitojë shpejtësi deri 16 m/s shoqëruar me valëzimin në dete të forcës 3-4 ballë.
Temperaturat parashikohen:
| QYTETET | Temperaturat | Siglat |
| Shkodër | 10/18 | Re shi diell |
| Kukës | 4/13 | Re shi/borë |
| Lezhë | 9/18 | Re shi diell |
| Dibër | 3/12 | Re shi/borë |
| Durrës | 9/19 | Re shi diell |
| Tiranë | 10/19 | Re shi diell |
| Elbasan | 9/18 | Re shi diell |
| Berat | 10/19 | Re shi diell |
| Vlorë | 11/18 | Re shi diell |
| Korçë | 4/11 | Re shi/borë |
| Gjirokastër | 6/16 | Re shi diell |
| Sarandë | 8/17 | Re shi diell |
