Shkup, 3 prill, argument.mk/ – Deputetja e Aleancës për Ardhmërinë e Kosovës, Time Kadrijaj në seancën e jashtëzakonshme ku po diskutohet për çmimet e derivateve të naftës, pati kritika ndaj Qeverisë Kurti, ku gjatë fjalimit shkaktoi edhe të qeshura në sallë, raporton Ekonomia Online.
Ajo tha se Kurti ka gardianët që po e mbrojnë.
“Njëherë pengesë ka qenë pandemia, pastaj lufta në Ukrainë, opozita normal se edhe vajtoni përditë të kaluar sepse krejt këto të arritura të këtij shteti janë nga opozita, edhe tash lufta në Iran. S’po e lë me i qelë sytë, si me i ka mundë me i qelë sytë, as me bë asnjë punë. Po po kjo Rozetë hajdutësh për korrupsion, më vjen me qesh, besomni më vjen me qesh. Njëri që i ka vjedh rezervat shtetërore, njeri që i ka bë dëm këtij vendi, doli sot në këtë foltore për korrupsion. Marre! Marre! Gjithashtu edhe për rritjen e çmimit të rrymës. Po ju jeni kjo qeveri që i keni ndal të gjitha adutet që Kosova mos me pas krizë të energjisë elektrike, e keni ndal termocentralin e ri, po e keni ndal edhe gazsjellësin amerikan. Pse? Për me shku me vjedh, me i ndihmu Martin Berishajt dhe me i vazhdu krejt militantëve të Lëvizjes Vetëvendosje. Ky korrupsion ka me i tmerruar edhe juve shumë shpejt. Sot a po e shihni veç nja diçka marre? Kryeministri është i heshtur sepse po i vijnë gardianët e anës së djathtë edhe gardianët aty sipër. Si asnjëherë tjetër s’është i mërzitur për fjalimet tona. Janë aty edhe fjalën nuk po ja lëshojnë, edhe rrugën s’po ja lëshojnë. E gjuaj sot s’di qysh po ndihet kryeministri pa 150 milionët e asaj dite në parlament aty. Mos u tut kryeministër, mos u tut se s’besoj që tash ka me të gjetë kurgjo”, tha Kadrijaj.
