Shkup, 3 prill argument.mk/ – Konsolidimi i tokës nuk është vetëm një reformë, është edhe mundësi për të përqendruar prodhimin bujqësor dhe për të zhvilluar biznese më konkurruese dhe të qëndrueshme, tha ministri i Bujqësisë, Cvetan Tripunovski, gjatë ngjarjes së organizuar sot në Odën Ekonomike të Maqedonisë.
"Eksperiencat deri tani tregojnë qartë se konsolidimi sjell përfitime reale, parcela më të mëdha, përdorim më efecient të tokës, kosto më të ulëta dhe gatishmëri më të madhe për investime. Treguam se proceset si konsolidimi i tokës janë të mundshme dhe të zbatueshme në një shkallë më të gjerë, dhe se partneritetet e përkushtuara sjellin rezultate të suksesshme, madje edhe në reforma komplekse strukturore si politika tokësore. Kjo tregon se konsolidimi nuk është vetëm një procedurë administrative, por një instrument që ndryshon thelbësisht mënyrën e prodhimit dhe hap mundësi të reja për zhvillimin e bujqësisë.", – deklaroi ministri i Bujqësisë, Cvetan Tripunovski.
Kryetari i Odës Ekonomike të Maqedonisë, Branko Azeski, bëri thirrje për veprim të vendosur dhe energjik, duke theksuar se ky është çelësi për implementim të suksesshëm.
"Çështja është si të implementohen vlerat themelore për të bërë këtë shtet të funksionojë, kjo do të thotë në plan politik sundimi i ligjit, në plan ekonomik respektimi i rregullave të tregut dhe në plan bujqësor konsolidimi i tokës. Si do t’i zbatojmë? Duhet t’i vendosim si prioritet dhe t’i mbështesim me individë të përkushtuar.", – theksoi kryetari i Odës Ekonomike të Maqedonisë, Branko Azeski.
Ai shtoi se nuk duhet të kërkohen justifikime dhe se duhet të nisë veprimi menjëherë.
