Tiranë, 19 maj Zhurnal.mk – Ditën e sotme gjatë një operacioni të agjentëve të Operacionales, mbeti i plagosur Leonard Dema i këkruar nga autoritetet italiane, si edhe ra në pranga Amadeo Fufi, i cili shoqëronte 23 vjeçarin.
Ky i fundit mësohet të jetë djali i ish-deputetit të Partisë Demokratike Mhill Fufi. Ai ishte në makinë së bashku me Demën, dhe me vete mbante një armë të cilën ia drejtoi forcave të policisë, duke rënë më pas në pranga.
Ndërkohë kujtijmë se djemtë e ish-deputetit janë shfaqur herë pas here si “problematikë”, pasi vitin e kaluar në muajin Prill, Kristi Fufi, u dhunua nga Kliton Sulçe, pasi e provokoi duke xhiruar gomat e makinës pranë tyre dhe më pas është futur në rezidencën “Long Hill” në ambientet e një lokali.
Ngjarja e Mamurrasit
Kujtojmë se gjatë momentit të ndërhyrjes nga operacionalja në karburantin e lokalizuar në aksin rrugor “Mamurras–Laç”, 23-vjeçari Leonard Dema sapo ka konstatuar efektivët, ka tentuar t’i përplasë me automjet duke u rrezikuar jetën, kurse personi që e shoqëronte iu ka drejtuar armën e zjarrit pistoletë policëve.
Agjentët e Operacionales, në kushtet e vetëmbrojtjes, gjatë ndërhyrjes për neutralizimin e tyre, kanë plagosur shtetasin Leonard Dema, i cili është në kujdesin e mjekëve. Gjithashtu, është bërë arrestimi në flagrancë dhe i 28 vjeçarit Amadeo Fufi, që shoqëronte të kërkuarin dhe është sekuestruar arma e zjarrit pistoletë.
Tashmë Leonard Dema ndodht te Trauma jashtë rrezikut për jetën.
