Tiranë, 27 korrik, Zhurnal.mk – Jashtë ambienteve të Kuvendit vijon protesta, e cila tashmë duket e tensionuar pasi tubuesit kërkojnë të çajnë kordonët e policisë dhe t’i afrohen institucionit.
Në seancën e sotme plenare është hedhur në votim kërkesa e deputetit Agron Shehaj për zhvillimin e pyetje-përgjigjeve me kryeministrin Edi Rama për Porto Romanon dhe aeroportin e Vlorës.
Kjo kërkesë është rrëzuar, ndërsa kryetari i Kuvendit Niko Peleshi ka njoftuar më pas projektligjin në fushën e mbrojtjes me SHBA-në për huanë prej 302 milionë dollarësh.
Pas kësaj PD ka kërkuar transparencë për marrëveshjen, pasi projektligji i depozituar në faqen e Kuvendit nuk ka asnjë relacion shoqërues siç deklarojnë ata.
Në përgjigje të kësaj, Kryetari i Kuvendit i ka ftuar ata të i fton të shkojnë ta lexojnë marrëveshjen pasi të firmosin për konfidencialitetin e saj.
“Kushtetuta dhe rregullorja të detyrojnë që t’ia shpërndash deputetëve; ti sot thua: “Shkoni, merreni në sekretari””, iu përgjigj Bardhi.
Sipas procedurave parlamentare, të premten parashikohet që të votohet të enjten, i parashikuar nga neni 83, pika dy e Kushtetutës: Kuvendi, me kërkesë të Këshillit të Ministrave ose të një së pestës së të gjithë deputetëve, mund të shqyrtojë e të miratojë një projektligj me procedurë të përshpejtuar, por jo më parë se një javë nga fillimi i procedurës së shqyrtimit.
Bardhi tha se “ky ligj do të rrëzohet si antikushtetues nga Gjykata Kushtetuese”.
“Nuk do të kalohet pa u lexuar plotësisht marrëveshja nga deputetë. Lexojeni dhe mos votoni asgjë pa lexuar”, tha Peleshi.
Më pas Peleshi ka njoftuar mbylljen e seancën, dhe rinisjen e seancës së radhës sot në ora 15:00, teksa deputetët e PD ka kundërshtuar duke u ngritur nga karriget dhe duke bllokuar foltoren.
