Pas shtatë ndalesave ndërkombëtare, turneu promovues i filmit “Spider-Man: A Brand New Day” përfundoi në Londër, ku Zendaya edhe një herë dëshmoi pse konsiderohet një nga figurat më të rëndësishme të modës në Hollywood.
Aktorja 29-vjeçare ka përdorur garderobën e saj për të reflektuar universin e Spider-Man, duke përfshirë ngjyrat, format dhe detajet që lidhen me filmin.
Nën drejtimin e stilistit dhe mikut të saj të ngushtë Law Roach, Zendaya ka sjellë një seri paraqitjesh të kuruara nga stilistë të njohur si Ashi Studio, Louis Vuitton dhe John Galliano, shkruan DailyMail.
Në Madrid, ku nisi turneu, ajo tërhoqi vëmendjen me një fustan të zi pa rripa nga Christian Cowan, ndërsa më pas solli ngjyrën ikonike të Spider-Man me një krijim të kuq me jakë të lartë nga Ernesto Naranjo.
Çdo veshje dukej e menduar me kujdes për të krijuar një lidhje mes modës dhe personazhit të saj në film.
Në Amsterdam, Zendaya vazhdoi të luante me elemente të frymëzuara nga filmi, duke veshur një kostum nga koleksioni Cruise 2027 i Nicolas Ghesquière, me një xhaketë të zezë me detaje të bardha dhe pantallona të shkurtra të kuqe.
Një tjetër paraqitje e saj përfshinte një fustan transparent nga McQueen me aplikacione lulesh dhe një pallto të zezë elegante.
Gjatë gjithë turneut, aktorja ka treguar se moda mund të jetë një mënyrë për të rrëfyer historinë e një filmi edhe jashtë ekranit.
Së bashku me partnerin e saj në film dhe bashkëshortin Tom Holland, Zendaya ka vazhduar të konsolidojë imazhin e saj si një nga ikonat më të mëdha të stilit të brezit të saj.
