Tupac Shakur shpesh fliste për vdekjen dhe vdekshmërinë e tij, një temë që u përsërit vazhdimisht në muzikën e reperit dhe që sot, pas zbardhjes së çështjes së vrasjes së tij, merr një tjetër kuptim.
Gjatë karrierës së tij, Shakur e përdori muzikën për të shprehur mendimet dhe frikën e tij për jetën dhe vdekjen.
Në këngët e tij ai imagjinonte edhe mënyrën se si do të donte të kujtohej pas vdekjes, ndërsa në “Thugz Mansion”, të publikuar pas vdekjes, ai përfytyron një jetë në parajsë, shkruan CNN.
Vëllai i tij, Mopreme Shakur, ka treguar se Tupac kalonte orë të gjata në studio duke regjistruar muzikë, pjesërisht i shtyrë nga ndjesia se koha e tij mund të ishte e kufizuar.
Për këtë arsye, edhe pas vdekjes së tij në vitin 1996, mbeti një sasi e madhe materialesh muzikore të paregjistruara më parë.
Sipas Mopreme, nëse dëgjon me vëmendje gjithë katalogun e Tupac, vihet re një temë që përsëritet vazhdimisht: vdekshmëria.
Ai e ka përshkruar këtë si një lloj “këngë vdekjeje”, që përshkon muzikën e reperit dhe rikthehet vazhdimisht në tekstet e tij.
Pikërisht kjo e bën edhe më të fuqishme trashëgiminë e Tupac sot. Fjalët që ai shkroi për jetën, vdekjen dhe fatin e tij, vite më vonë, tingëllojnë për shumë fansa sikur ai po parashikonte vetë fundin e tij tragjik.
