Shkup, 07 tetor, argument.mk/ – Një 17-vjeçare nga rajoni i Gostivarit ka denoncuar në polici se për një periudhë të gjatë dyshohet se është përballur me kërcënime, dhunë fizike dhe keqtrajtim psikologjik nga partneri i saj jashtëmartesor dhe dy anëtare të familjes së tij.
Rasti është denoncuar më 6 tetor në Stacionin Policor të Rostushës, në prani të njërit prej prindërve të vajzës.
Sipas denoncimit, të dyshuar janë partneri i saj 23-vjeçar, nëna e tij 53-vjeçare dhe motra e tij 15-vjeçare, të gjithë nga një fshat i Gostivarit. Të tre janë privuar nga liria po atë ditë.
Policia po punon për zbardhjen dhe dokumentimin e plotë të rastit, ndërsa pas përfundimit të procedurës pritet të parashtrohet kallëzimi përkatës.
