Shkup, 2 shkurt – Vizita e grupit të fundit, inspektor policorë nga Maqedonia e Veriut në vendet e shenjta të Arabisë Saudite, pra në Medine dhe Meka është realizuar në kuadër të bashkëpunimit ndërshtetëror dhe ftesës së bërē nga ministria përkatëse në Mbretërinë e Arabisë Saudite.
Organizimi, koordinimi dhe caktimi i emrave që këto ditë kanë udhëtuar për “Umrah” është në koordinim të plotë ndërmjet ambasadorëve të akredituar në të dy vendet mike, atij të Maqedonisë së Veriut në Arabinë Saudite, Abdulkadar Memedi dhe Ambasadorit të Arabisë Saudite me seli në Tiranë, i cili është i akredituar për Maqedoninë e Veriut, Faisal Ghazi Hifzi.
Në këtë vizitë dhe organizimin e saj nuk është i përfshirë aspak ndonjë institucion apo organizatë tjetër e Maqedonisë së Veriut dhe tentimi për shtrembërim të së vërtetës nuk i shërben frymës së forcimit të marrëdhënieve ndërshtetërore ndërmjet Maqedonisë së Veriut dhe Mbretërisë së Arabisë Saudite.
