Një emigrant nga vendet e Lindjes është gjetur i pajete gjatë orëve të para të mëngjesit në fshatin Drenove të Korçës.
Trupi i emigrantit u konstatua nga banoret e fshatit të cilët më pas njoftuan policinë. Ekspertet mjeko-ligjore nuk konstatuan shenja dhune. Paraprakisht, dyshohet se emigranti i moshës rreth 25 vjeç të ketë gjetur vdekjen për shkaqe natyrore.
Territori mbi fshatin Drenove, shpesh shërben si shteg kalimi për emigrantet e vendeve të Lindjes ,të cilët hynë në territorin tonë nga Greqia, duke udhëtuar në këmbë nga zona e Dardhës dhe Arrëzës.
