Shkup, 20 prill – Në fundjavë vijon një periudhë me mot pjesërisht të vranët me reshje të kohëpaskohshme lokale. DPHM paralajmërojnë mot të ndryshueshëm me diell për ditën e sotme. Pasdite në pjesët lindore do të ketë reshje lokale shiu. Do të fryjë erë e dobët deri mesatare nga drejtimi veriperëndimor, ndërsa në pjesët perëndimore nga drejtimi perëndimor.
Temperatura minimale do të jetë në intervalin prej 0 deri në 7, ndërsa ajo maksimale prej 13 deri në 20 gradë.
Të dielën dhe të martën në disa vende do të ketë reshje, të cilat herë pas here do të jenë më të bollshme dhe të rrëmbyeshme të përcjella me bubullima dhe erë të fortë. Për shkak të zbritjes së masës ajrore më të ftohtë të dielën në zonat malore, reshjet do të kalojnë herë pas here në borë dhe do të formohet një mbulesë e re bore.
