Tiranë, 2 maj – Kryebashkiaku i Tiranës, Erion Velaij i ka dhënë titullin “Qytetar nderi” i Tiranës politikanit të njohur shqiptar në Maqedoninë e Veriut, Ali Ahmeti.
Ahmeti i cili është edhe kryetar i Bashkimit Demokratik për Integrim, është vlerësuar për kontributin ndaj shqiptarëve në Maqedoninë e Veriut.
“Tirana i ka me pikatoret qytetarët e nderit, Ismail Kadare, Dritëro Agolli, Kristo Frashëri, Adem Demaçi dhe sot do t’i bashkohet këtij gjerdani të njerëzve që e nderojnë qytetin tonë me qytetarinë e nderit, kryetari ynë, lider, frymëzues Ali Ahmeti.
Disa njerëz i hyjnë politikës duke pasur ndërmend një ekskursion të shkurtër, dhe dalin pa lënë asnjë shenjë.
Disa i hynë politikë me përfytyrimin si aksesor, ku thjesht t’i shtojnë xhaketës së tyre një medalje, apo një rresht në CV e tyre, edhe këta të padukshëm dhe kollaj të harrueshëm në rrugëtimin e tyre.
Kurse disa të tjerë i hyjnë politikës të shtyrë nga vokacioni i tyre dhe bëjnë vepra, madje kryevepra. Këta janë ata që mbeten në histori dhe sot jemi dëshmitarë Ali Ahmeti do të mbetet në historinë e gjatë të kombit tonë”, u shpreh kryebashkiaku i Tiranës.
Në ceremoninë që u mbajt në mjediset e këshillit bashkiak të Tiranës kanë marrë pjesë kryeministri Edi Rama, ministra të kabinetit qeveritar, ish-presidentët e vendit Alfred Moisiu dhe Bamir Topi si dhe eksponentë të tjerë të rëndësishëm të politikës shqiptare.
