Mitsubishi mund të jetë duke shtuar një minifurgon në linjën e tij.
Imazhe të publikuara së fundmi pretendojnë se prodhuesi japonez i automjeteve është duke përgatitur një version prodhimi të konceptit D:X që zbuloi tetorin e kaluar.
Mark Chaffin, CEO i Mitsubishi Motors në Amerikën e Veriut, tha se do të prezantojë dy modele krejtësisht të reja në segmente “në të cilat kompania aktualisht nuk konkurron”.
Por, nuk e konfirmoi nëse një nga dy modelet e reja do të jetë version prodhimi i D.X.
D:X është një minifurgon për gjashtë persona me një sistem motorik hibrid plug-in dhe një sistem të lëvizjes me të gjitha rrotat.
