Shkup, 20 maj – Kryetari i Lëvizjes Besa, Bilall Kasami, i cili është pjesë e koalicionit VLEN, sot ka komentuar deklaratat e Ali Ahmetit, i cili tha se “ngjarjet e fundit politike mund të çojnë në vëllavrasje”, duke iu referuar vendimit të KSHZ-së që të ketë rivotim.
Kasami tha se VLEN nuk është e interesuar për asnjëlloj krize apo konflikti, njofton Telegrafi Maqedoni.
“Ne do të kërkojmë që qytetarët ditën e mërkurë të dalin dhe të shprehin vullnetin e tyre dhe të tregojnë se kush duan t’i përfaqësojnë në Kuvend. Vendimi i qytetarëve është i tyre dhe nuk e di pse duhet të ketë vëllavrasje. Nëse ata kanë besim te votat që i kanë marrë nuk e di pse janë të shqetësuar”, tha Kasami.
