Ka ndërruar jetë e moshuara Minire Nura, gruaja e cila ishte rrahur nga infermierët derisa ishte duke qëndruar në shtëpinë për të moshuarit “Orenda”.
Lajmin e ka konfirmuar për Telegrafin, Meshari Selimaj, i cili kishte qenë avokat i të ndjerës.
Rasti i Minire Nura ishte bërë publik pasi në media kishin qarkulluar pamjet ku infermierët e rrahin atë.
Qendra “Orenda” më pas ishte mbyllur nga organet përgjegjëse, ndërsa ndaj të dyshuarve nuk ka ende ndonjë vendim gjyqësor.
Sipas aktakuzës, tri të pandehurat në cilësinë e infermiereve në shtëpinë e kujdesit për të moshuar “Orenda”, me dashje dhe në bashkëkryerje kanë përdorur forcë ndaj të moshuarës, e cila ishte e vendosur në ketë strehimore.
