Shkup, 13 gusht – Gjatë ditës së djeshme janë regjistruar gjithsej 37 zjarre në ambiente të hapura në të gjithë vendin. Prej tyre 10 janë aktive, gjashtë nën kontroll dhe 21 janë shuar, njoftoi paraditen e sotme Qendra për Menaxhimin e Krizave (QKK).
Sipas njoftimit, zjarr aktiv ka në komunën e Makedonski Brodit, ku digjet një pyll me pisha. Në komunën e Pehçevës, në territorin e fshatit Negrevë, digjet pyll i përzier, ndërsa në komunën e Novacit po digjet bimësi e ulët.
Nga zjarret që janë vënë nën kontroll, njëri është në TEC “Negotinë”, ku digjet bar i thatë, si dhe zjarret në disa vende tjera.
