Diamanti i dytë më i madh i gjetur ndonjëherë – një gur afërsisht 2,492 karatësh – është zbuluar në Botsvana në një minierë të drejtuar nga firma kanadeze Lucara Diamond.
Është gjetja më e madhe që nga diamanti Cullinan 3,106 karatësh, i gjetur në Afrikën e Jugut në vitin 1905 dhe i prerë në nëntë gurë të veçantë, shumë prej të cilëve janë në British Crown Jewels.
Diamanti u gjet në minierën Karowe, rreth 500 kilometra në veri të kryeqytetit të Botsvanës, Gaborone, transmeton Telegrafi.
Qeveria e Botsvanës tha se ishte diamanti më i madh i zbuluar ndonjëherë në shtetin e Afrikës jugore.
Zbulimi i mëparshëm më i madh në Botsvana, ishte një gur 1,758 karatësh i gjetur në të njëjtën minierë në vitin 2019.
