Mariah Carey përgjithësisht e mban të fshehtë marrëdhënien e saj me vëllezërit e motrat, por ajo është më e vogla nga tre.
Këngëtarja e “Touch My Body”, e lindur në 1969, nga Patricia dhe Alfred Carey, ka një vëlla më të madh, Morgan Carey, i lindur në 1960 dhe një motër më të madhe, të ndjerën Alison Carey, e lindur në 1963.
“Zemra ime është thyer që kam humbur nënën time fundjavën e kaluar”, shkroi Mariah në një deklaratë për People më 26 gusht. “Motra ime humbi jetën në të njëjtën ditë”.
Fituesja e ‘Grammy’-t nuk i bëri të ditur shkaqet e vdekjes, por zbuloi se kaloi kohë me nënën e saj para se të vdiste në moshën 87-vjeçare.
Megjithatë, Mariah thuhet se nuk kishte pasur kontakt me të motrën, e cila ishte e diagnostikuar me HIV.
Mariah dhe vëllai i saj janë dy anëtarët e vetëm të gjallë të familjes së tyre të ngushtë pasi babai i tyre vdiq në korrik 2002 nga kanceri në moshën 72-vjeçare.
Alison, së bashku me Morgan dhe Mariah, u rritën në Long Island, derisa prindërit e tyre u ndanë në vitin 1973 kur këngëtarja e “Fantasy” ishte 3 vjeçe.
Artistja dhe vëllezërit e motrat e saj u ndanë më pas, me Mariah që jetonte me nënën e saj, ndërsa Alison dhe Morgan u zhvendosën me babanë e tyre.
Alison ishte rreth 14 vjeç kur lindi djalin e saj të parë, Shawn, në vitin 1977, sipas Us Weekly. Ajo mirëpriti djalin e saj të dytë, Michael, në 1987.
