Kylian Mbappe dha një përgjigje mjaft interesante kur u pyet për Cristiano Ronaldon pasi shënoi golat e tij të parë për Real Madridin në La Liga.
Mbappe shënoi golat e tij të parë për Realin në kampionat që prej se e kompletoi transferimin si lojtar i lirë nga Paris Saint-Germaini, teksa realizoi dy herë ndaj Real Betisit.
Francezi nuk kishte arritur ta tundë rrjetën në tri takimet e para, duke ngjallur shqetësime në mesin e tifozëve pas një debutimi zhgënjyes në La Liga.
Duke folur pas ndeshjes për rezultatin që arritën, ai u krahasua me Cristiano Ronaldon, i cili pati një aventurë legjendare me ‘Los Blancos’.
Sidoqoftë, 25-vjeçari i hodhi poshtë krahasimet me idhullin e tij duke thënë në të njëjtën kohë se nuk po ndjen presion.
Tutje, ai foli për dy golat që shënoi ndaj Real Betisit, duke përshkruar ndjesinë që kishte në ato momente.
“Ishte një moment i mirë. Unë kam shpresuar që të shënojë në këtë stadium legjendar, të cilin e konsideroj më të mirin në botë. Ndihem mirë këtu. E kam thënë që prej ardhjes sime, jam i lumtur. Tifozët dhe të gjithë në ekip më kanë shfaqur shumë dashuri, edhe kur nuk kam shënuar”, përfundoi ai.
