Ndalimi i fundit nga Brazili i platformës X të mediave sociale të Elon Musk ka rritur profilin e rivalit të tij më të vogël, Bluesky, teksa njerëzit kërkojnë alternativa për të shprehur mendimet e tyre.
Sipas mediave të huaja, përcjell Telegrafi, Bluesky madje “ka parë kulmin e të gjitha kohërave”.
Platforma ka thënë në një postim se kishte tërhequr dy milionë përdorues të rinj në një hark kohor prej një jave dhe aplikacioni dukej se po përjetonte disa probleme të mërkurën, me disa përdorues që raportuan një ndërprerje.
“Pothuajse me siguri do të ketë disa ndërprerje dhe probleme të performancës”, tha zhvilluesi i Bluesky, Paul Frazee në një postim, duke shtuar: “Nuk kemi parë kurrë trafik si ky. Rri me ne!”.
Të shtunën, kompania tha gjithashtu se përdoruesit nga Brazili po vendosnin nivelet më të larta të të gjitha kohërave për aktivitetin.
Rritja e raportuar në trafikun e platformës vjen pasi një gjykatës i Gjykatës së Lartë braziliane urdhëroi një pezullim mbarëkombëtar të platformës X të premten.
Një panel i Gjykatës së Lartë konfirmoi vendimin të hënën.
Ndryshe, X (ish-Twitter) vlerësohet të ketë mbi 22 milionë përdorues në Brazil.
