Këngëtarja Lady Gaga ndau detaje të rralla në kopertinën e saj të ‘Vogue’, të publikuar të enjten, rreth takimit dhe fejesës me Michael Polansky.
Ajo shkoi në festën e ditëlindjes së Sean Parker në shtator 2019 dhe “vazhdoi të pyeste” për Polansky derisa më në fund u prezantuan – dhe “folën për tre orë”.
Sipërmarrësi gjithashtu ndau përshtypjen e tij të parë me revistën, duke thënë se ai ishte “i goditur menjëherë nga ngrohtësia dhe çiltërsia e saj”.
Dyshja folën në telefon për javë të tëra përpara se të dilnin në takimin e tyre të parë, duke u dashuruar dhe duke u karantinuar së bashku në Malibu, Kaliforni, mes pandemisë së coronavirusit.
“Ishte vërtet diçka e veçantë” ,tha Gaga. “Kam qenë shumë e fokusuar në karrierën time që kur isha adoleshente. Dhe dhurata e asaj kohe ishte se unë u përqendrova plotësisht në marrëdhënien time. Takova këtë qenie njerëzore plotësisht mbështetëse, të dashur që donte të më njihte – jashtë Lady Gaga-s”.
Polansky u pajtua, duke shtuar: “Ne kishim këtë kapitull të mahnitshëm të një lloj normaliteti të çuditshëm që është thelbësor për çdo marrëdhënie që të zhvillohet në një mënyrë reale – duke bërë shëtitje, duke pirë kafe, duke u shoqëruar me qentë e duke lexuar libra së bashku”.
Gaga, e cila vazhdoi të lavdërojë partnerin e saj “të zgjuar dhe të sjellshëm” që e bën atë “aq të lumtur”, zbuloi se Polansky i propozoi në prill.
