Ambasada e Shteteve të Bashkuara të Amerikës në Kosovë e ka mirëpritur vendimin e Qeverisë së Kosovës për heqjen e ndalesës për mallrat e gatshme të importuara nga Serbia.
Ambasadori i SHBA-së në Kosovë, Jeffrey Hovenier përmes një postimi në platformën X ka thënë se ky është një hap i rëndësishëm në drejtimin e duhur për Kosovën në rrugën drejt integrimit evropian.
Ndryshe, Qeveria e Kosovës dje mori vendim për ndryshimin e masës së sigurisë për mallrat serbe.
Kryeministri Albin Kurti në konferencë për media bëri të ditur se kjo vlen vetëm për pikën kufitare në Merdar.
