Shkup, 11 tetor – Bujar Osmani nga BDI tha se janë bërë dy ditë nga sulmi ndaj Marrëveshjes së Ohrit dhe harmonies ndëretnike në vend, por siç tha, në reagimet e tij nuk ka përmendur parti politike dhe s nuk dëshiron ta fajësoj VLEN-in për vendimin e Gjykatës Kushtetuese. Osmani shtoi se, kjo nuk është betejë partiake por duhet bashkuar për t’i thënë “Jo” vrasjes së MO.
“Sot është dita e dytë e sulmit më të madh ndaj Marrëveshjes paqësore të Ohrit dhe harmonisë ndëretnike në vend. Në reagimet e mia deri tani, nuk kam përmendur asnjëherë partitë politike, sepse kjo nuk është çështje e akuzave të ndërsjella mes BDI dhe VLEN.
Unë edhe nuk dua të fajësoj VLEN për vendimin e Gjykatës Kushtetuese, edhe pse Vlen ka përgjegjësi për përpjekjen për ta justifikuar këtë vendim.
Kjo nuk është më një betejë ndëpartiake.
VLEN nuk ka arsye të jetë në mbrojtje për këtë vendim të Gjykatës Kushtetuese.
