Shkup, 2 nëntor – Raporti i fundit i Komisionit Evropian vlerëson se Banka Qendrore në nivele të larta ka harmonizuar politikën në fushën monetare me rregulloret, standardet dhe praktikat europiane.
Nga Banka Popullore theksojn se Raporti vuri në dukje se politika monetare ishte vendosur në mënyrë të përshtatshme për t’u përballur me inflacionin e lartë dhe se inflacioni ishte ulur nga 19.8% në tetor 2022 në 2.2% në gusht 2024. Raporti thekson gjithashtu nevojën për ndryshime plotësuese ligjore për të forcuar dispozitat për pavarësinë e Bankës Qendrore theksojnë nga Banka Qendrore.
“Qëllimi kryesor i Bankës Qendrore është arritja dhe ruajtja e stabilitetit të çmimeve. Për të kufizuar inflacionin dhe pritjet inflacioniste dhe në të njëjtën kohë për të nxitur denarizimin, banka qendrore rriti normën bazë të interesit dhe reagoi duke tërhequr likuiditetin dhe përmes rezervës së detyrueshme.” – potencojnë nga Banka Qendrore duke cituar raportin e fundit.
Komisioni Evropian vë në dukje se sektori bankar është treguar rezistent ndërsa korniza makroprudenciale është forcuar.
Mjaftueshmëria e kapitalit është dukshëm më e lartë se kërkesat rregullatore. Likuiditeti është i lartë, ndërkohë që pesha e kredive me probleme në totalin e kredive është në nivel historikisht më të ulët.
Në raport theksohet edhe forcimi i kornizës ligjore dhe institucionale për sigurimin e stabilitetit financiar, ku theksohet se Banka Qendrore ka vijuar të përmirësojë mekanizmat për monitorimin e rreziqeve dhe përafrimin e kornizës mbikëqyrëse me kërkesat e BE-së.
Theksi në raport është vënë në Ligjin për zgjidhjen e bankave, për të cilin është në proces hartimi i akteve nënligjore. Gjithashtu theksohet se Banka Qendrore ka hapur një njësi të posaçme organizative për mbrojtjen e konsumatorëve dhe shqyrtimin e ankesave të tyre.
