Shkup, 17 nëntor – Në Klinikën Universitare të Gjinekologjisë sot do të shënohet Dita Botërore e Foshnjave të Lindura Para Kohe.
Në konferencë për media do të flasin drejtoresha e Klinikës së Gjinekologjisë dhe Obstetrikës, prof. Dr Irena Aleksioska Papestiev, zëvendësministri i Shëndetësisë, Jovica Andovski dhe neonatolog klinik pediatër.
Siç bëri të ditur Ministria e Shëndetësisë, në këtë ngjarje do të prezantohet statistika e re për prematuritetin dhe do të paralajmërohet furnizimi i aparatit të ri transportues për ventilim të të lindurve para kohe, vendosje të skriningut të ri falas për shtatzëna, si dhe promovim i udhëzuesit të ri për prindër të foshnjave të lindura para kohe.
