Donald Trump tha se ai ka zgjedhur Matt Whitaker për të shërbyer si ambasador i SHBA në NATO në një kohë kur aleatët kryesorë po bëjnë veprime të papritura mes kërcënimeve të Kremlinit për luftën në Ukrainë.
Trump tha se Whitaker, të cilin e instaloi në postin e nivelit të lartë të Departamentit të Drejtësisë në mes të hetimit të Mueller gjatë mandatit të tij të parë, do të ishte një “luftëtar i fortë dhe një Patriot besnik”.
Ai tha se do të ‘siguronte që interesat e Shteteve të Bashkuara të avancohen dhe mbrohen. Matt do të forcojë marrëdhëniet me aleatët tanë të NATO-s dhe do të qëndrojë i palëkundur përballë kërcënimeve ndaj paqes dhe stabilitetit.’
Trump ka qenë prej kohësh një kritik i NATO-s dhe mënyrës se si aleatët i kanë përmbushur angazhimet për ndarjen e barrës financiare.
Njoftimi i Trump vjen pas disa ditësh retorikë nxitëse pas raportimeve se Presidenti Biden ka autorizuar Ukrainën të përdorë raketat me rreze të gjatë të ofruara nga SHBA për të goditur brenda Rusisë.
Ky veprim shkaktoi paralajmërime të furishme nga Kremlini se po ‘ushqente zjarrin’ dhe nga aleatët e Kremlinit se mund të sillte Luftën e Tretë Botërore.
