Shkup, 22 nëntor – Në organizim të Këshillit Fiskal të Republikës së Maqedonisë së Veriut dhe Finance Think, sot do të mbahet ngjarja “Politika fiskale në udhëkryq: Rruga drejt stabilitetit dhe financave publike të qëndrueshme”.
Siç është paralajmëruar nga organizatorët në panelin “Rregullat fiskale dhe politika efektive fiskale”, do të marrin pjesë ministrja e Financave Gordana Dimitrieska Koçoska, kryetari i Këshillit Fiskal të RMV-së Gligor Bishev.
Prezantimi i studimit “Disiplina fiskale dhe efikasiteti i rregullave fiskale në Maqedoninë e Veriut: rruga drejt qëndrueshmërisë” do të bëhet nga Blagica Petreski, drejtoreshë ekzekutive e Finance Think – Instituti për Kërkime Ekonomike dhe Politika.
