Për shumë, Donatella Versace është simbol i operacioneve plastike (dhe e bërë keq), dhe fotoja e fytyrës së saj nga një event i fundit në Londër ka tërhequr veçanërisht vëmendjen pasi duket se ka arritur të “zhbëjë” procedurat e këqija estetike.
Një fotografi e Donatellas nga premiera e muzikalit “The Devil Wears Prada” po qarkullon në internet dhe shumëkush ka vënë re një ndryshim të dukshëm në pamjen e saj në krahasim me edicionet e mëparshme.
Dhe ndërsa shumë pyesnin nëse ajo ishte në gjendje të zhbënte procedurat e këqija estetike dhe nëse kirurgu plastik i New Yorkut, i cili vlerësohet për transformimet e zonjave të famshme, arriti tek ajo, fotot nga këndvështrime të tjera treguan se ndoshta ishte vetëm ‘photoshop’.
Për këtë shkak edhe vetë Donatella ishte cak i komenteve negative që vërshuan profilin e saj në Instagram.
Me kalimin e viteve, fytyra e Donatellës është shndërruar në një fytyrë që është e vështirë për t’u njohur dhe vështirë se dikush e di se si dukej ajo dikur.
Ajo ruante lëkurën e saj të nxirë nga vizitat e shpeshta në dhomë me diell dhe që kur u bë bionde në vitin 2002, ajo nuk ka hequr dorë nga ngjyra e flokëve. Mirëpo, përveç këtyre ndryshimeve “të padëmshme”, Donatella nuk u dorëzua as përballë procedurave dhe operacioneve estetike.
Ajo filloi me ta në vitin 1995 dhe tre vjet më vonë pamja e saj ndryshoi në mënyrë drastike. Në këtë kontribuan jeta e trazuar që ajo bëri dhe varësia e saj ndaj alkoolit dhe drogës, të cilave iu drejtua veçanërisht pas vdekjes së vëllait të saj të dashur.
