Ish-banorja e Big Brother VIP Kosova, Ana Ejupi, është vetëm 19-vjeçe, ndonëse në këtë format u komentua tejet shumë gjatë kohës që ishte brenda.
Ajo tani jashtë po përballet me komente nga më të ndryshmet, për lojën dhe veprimet për qëndrimin në shtëpinë më të famshme në vend.
Ana me këtë rast ka vendosur të bëjë një reagim të gjatë, duke sqaruar gjithçka në detaje.
E njëjta theksoi se nuk do t’i marrë më parasysh këto dhe se do të vazhdojë të ecë përpara.
Reagimi i plotë:
“Përshëndetje njerëz, e ndjeva të arsyeshme me nda me ju diçka që po më shqetëson dhe jo pak:
Reagimet e fuqishme kundër meje dhe veprimeve të mia.
Fillimisht desha të nis me një fakt që me sa duket askush nuk po i kushton rëndësi e po hidhet direkt drejt sulmeve të njëpasnjëshme.
Unë si një vajzë e re vendosa me u ballafaqu për herën e parë me botën e televizionit, duke dalë pa asnjë mbulesë, pa asnjë dinakëri e ndoshta edhe pa përgatitjen e duhur e të mjaftueshme përballë gjithë një publiku i cili në çdo hap timin ka pasur pritshmëri të mëdha.
Unë si Ana u përpoqa fort për me bo zgjedhjen e duhur edhe pse me shumë ankth, siklet, frikë nga dështimi e paragjykimet.
U përpoqa me tregu anën time të butë, komike, femërore, karakterin tim falës dhe e hapa veten drejt një horizonti që nuk ia shihja fundin.
Kështu që vendosa pa as edhe një mëdyshje me bo atë që unë e cilësova si të duhur duke vendosur me i hedh mbrapa krahëve të gjitha pakënaqësitë që njerëzit e mbushur vrer po i gjuajnë lart e poshtë.
Unë në atë formë zgjodha me rujt dinjitetin si femër, me u kujdes për mirëqenien e familjes time dhe mbi të gjitha me selektu bukur e saktë çka unë shfaqi në një program që shikohet nga miliona shikues dhe për këtë unë nuk jam penduar aspak.
Secili hap që e mora në fund më ka dërgyar aty ku unë i përkas dhe më ka dhuruar atë që më përket: dashurinë në formën më të pastër.
Pa kurrfarë heizimi kam me vazhdu deri në fund me luftu për atë çka më bën të lumtur dhe krenare. Falënderuese me zemrën plot për të gjithë ata që më mbështesin, e sa i përket ofendimeve aq të hidhura që kam marrë kam veç një replikë; Qentë le të lehin, karvani ecën përpara”.
