Selena Gomez (32-vjeçe) dhe Benny Blanco (36-vjeç) u fejuan pas pak më shumë se një viti lidhje.
Lajmin e lumtur e ka ndarë aktorja në profilin e saj në Instagram.
“Përgjithmonë fillon tani”, ka shkruar ajo krahas një sërë fotografish.
Në njërën prej tyre, ajo ka treguar nga afër një unazë ari me një diamant të bardhë në dorë.
Postimi i saj u pëlqye 4.6 milionë herë në vetëm një orë. Një numër i madh i të famshmëve e uruan gjithashtu me komente të ndryshme.
Kujtojmë se lidhja e Selenas dhe Bennyt u bë e ditur në dhjetor të vitit të kaluar.
Më pas aktorja tregoi se ata ishin bashkë prej gjashtë muajsh dhe në rrjetet sociale theksoi se Benny ishte më i mirë se kushdo me të cilin kishte qenë më parë.
Jo shumë kohë pas kësaj, ajo erdhi në ‘Emmy Awards’ me një unazë në dorë, duke ndezur sërish thashethemet për fejesë.
