Shkup, 9 janar – Ministria e Punëve të Jashtme dhe Tregtisë së Jashtme e Republikës së Maqedonisë së Veriut kumtoi se “e dënon fuqishëm kumtimin e liderit të partisë politike bullgare Rilindja, Kostadin Kostadinov, dhe deputet aktual në Kuvendin popullor të Bullgarisë, në Facebook, me të cilën shprehë pretendime të qarta territoriale drejt shtetit tonë”.
“Deklaratat e tilla dashakeqe të personave zyrtarë nga skena politike bullgare janë sulm i drejtpërdrejtë ndaj sovranitetit, integritetit dhe pavarësisë së shtetit tonë dhe njëkohësisht janë në kundërshtim të drejtpërdrejtë me rregullat dhe parimet e së drejtës ndërkombëtare, mospërzierjes së shteteve në punët e tyre të brendshme dhe politikën e ndërtimit të marrëdhënieve të mira ndërfqinjësore”, thuhet në reagimin e MPJ-së
Ministria e vlerësoi si “të pahijshme dhe të papërshtatshme” deklartën e politikanit bullgar dhe pret të hidhet poshtë nga Sofja zyrtare.
“Deklarata e këtillë e pahijshme e Kostadinovit, presim nga Sofja zyrtare të hidhet poshtë si e papërshtatshme me frymën dhe kohën në të cilën jetojmë, standardet evropiane të cilat i respektojmë fuqishëm dhe në kundërshtim me angazhimet tona për sigurim të paqes së përhershme, sigurisë dhe prosperitetit në Evropë dhe më gjerë”, kumtoi Ministria e Punëve të Jashtme dhe Tregtisë së Jashtme.
Lideri i partisë bullgare ultranacionaliste dhe ekstreme djathtiste “Rilindja”, Kostadin Kostadinov, i bëri thirrje qeverisë në Sofje zyrtarisht të shpallë pretendime për bashkim të Maqedonisë dhe të rajonit ukrainas, Besarabisë Jugore, me Bullgarinë.
Kostadinov i mbështetë deklaratat e presidentit të ri të zgjedhur amerikan, Donald Tramp për Kanadanë dhe Kanalin e Panamasë dhe thekson se nevojitet që edhe Sofja të dalë publikisht me kërkesë për bashkim të Maqedonisë dhe Besarabisë Jugore me Bullgarinë.
