Cillian Murphy e filloi karrierën e tij me shfaqjen “Disco Pigs”, dhe më pas vazhdoi me rolet në dramat “Sunshine” dhe “Breakfast on Pluton”, të cilat i sollën nominimet për Golden Globe.
Në një intervistë të fundit, ai ka treguar gjithashtu se kush është modeli i tij kryesor i aktrimit.
Murphy është veçanërisht i njohur për rolin e tij si Thomas Shelly në serialin “Peaky Blinders” si dhe bashkëpunimin e tij me Christopher Nolan në filma si “Oppenheimer” dhe “Dunkirk”.
Ai ka sqaruar se idhulli i tij është aktori irlandez Brendan Gleeson, me të cilin ka punuar për herë të parë në vitin 1998 në filmin “Sweety Barrett”.
Megjithëse Murphy luajti rolin e banakierit në atë film, ishte fillimi i bashkëpunimit të tyre profesional që përfshinte pesë filma të tjerë. Duke folur për modelin e tij në film, Gleeson tha se e ka parë edhe para se të bëhej aktor dhe madje ka menduar për aktrimin.
“Unë nuk fillova të aktroj deri sa isha 20 vjeç. Gleeson filloi në teatër në Dublin, më pas në televizion dhe më vonë në filma më të vegjël. Ai është i mrekullueshëm në “The General” Dukej si një mënyrë e shëndetshme për të ndërtuar një karrierë, fillimi modeste dhe progres falë qëndrueshmërisë në punë”, tha Murphy.
Ai shpjegoi se i pëlqen shumë qasja e Gleeson ndaj biznesit, ndaj Hollivudit dhe botës së pavarur.
“Ai është shumë racional dhe me këmbë në tokë. Unë e kam kërkuar disa herë këshilla për situatat e biznesit dhe si t’i trajtoj disa gjëra, por mbi të gjitha ai është një aktor fantastik”, pohon Murphy.
