Eva Longoria ka rritur donacionin e saj për të ndihmuar në rikuperimin nga zjarret në Los Angeles, duke e çuar shumën nga 50,000 në 1 milion dollar (974 mijë euro).
Donacioni do të mbështesë Fondacionin e Komunitetit Latino dhe Fondacionin e Komunitetit të Kalifornisë, të cilat po punojnë për rikuperimin e komuniteteve të prekura nga zjarret masive.
Zjarret kanë shkaktuar shkatërrim të gjerë, me mbi 24 viktima dhe më shumë se 40,000 hektarë të djegur, shkruan DailyMail.
Longoria, e cila vetë ka evakuuar shtëpinë e saj, përdori çmimin “Guximi dhe Qytetërimi” nga Jeff Bezos për të financuar këtë donacion.
Çmimi vjetor prej 50 milionë dollarësh (48 milionë euro) njihet për mbështetje ndaj individëve që japin kontribute të rëndësishme në shoqëri.
Aktorja do të shfaqet këtë të martë në “Jenna & Friends” për të folur më shumë për donacionin dhe do të vullnetarizojë në Los Angeles me organizatat si Global Empowerment Mission dhe World Central Kitchen.
Longoria ka shprehur dhe mbështetje për punëtorët thelbësorë të prekur nga zjarret, duke dhuruar gjithashtu deri në 50,000 dollarë për organizatën “This is About Humanity”.
Në një postim emocionues, ajo theksoi se zemra e saj është e thyer për qytetin e Los Angeles dhe ka inkurajuar të tjerët të kontribuojnë për të ndihmuar ata që kanë humbur gjithçka.
