Të shtëna me armë janë regjistruar pak më parë në Orikum.
Sildi Velaj, 29-vjeç ka mbetur i plagosur dhe është transportuar me urgjencë për në spital.
Ngjarja ka ndodhur pranë një karburanti. Autori i dyshuar i ngjarjes ështe shtetasi Qerim Bello.
Njoftimi i policisë:
Vlorë/Informacion paraprak
Sot, rreth orës 18:40, në ambientet e një karburanti (bar), në Orikum, dyshohet se gjatë një konflikti, për motive të dobëta, shtetasi Q. B. ka plagosur me armë zjarri shtetasin S. V., 29 vjeç, i cili ndodhet në spital, nën kujdesin e mjekëve.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj për kapjen e autorit të dyshuar.
Grupi hetimor, nën drejtimin e Prokurorisë, po punon për zbardhjen dhe dokumentimin e plotë të ngjarjes.
