Selena Gomez ka tërhequr vëmendje pasi postoi dhe më pas fshiu një video emocionale në Instagram, ku ajo shfaqej duke qarë për dëbimet e emigrantëve pa dokumente nga agjentët e Emigracionit dhe Zbatimit të Doganave (ICE).
Në videon e postuar në InstaStory të hënën, Gomez, mes lotësh, tha: “Thjesht dua të them se më vjen shumë keq”.
Të gjithë njerëzit e mi po sulmohen, fëmijët… nuk e kuptoj. Më vjen shumë keq. Do të doja të mund të bëja diçka, por nuk mundem. Nuk di çfarë të bëj. Do të përpiqem me çdo mënyrë, e premtoj”, shkruan DailyMail.
Pas publikimit, videoja ngjalli reagime të ashpra nga disa komentatorë konservatorë, të cilët kritikuan këngëtaren dhe aktoren për ndjeshmërinë e saj ndaj emigrantëve pa dokumente që po përballen me dëbim.
Ajo më pas postoi një tjetër mesazh në Instagram Story, duke shprehur zhgënjimin e saj ndaj kritikëve: “Me sa duket nuk është në rregull të tregosh ndjeshmëri për njerëzit”.
Reagimi i Gomez ndaj situatës ka ndezur një debat të gjerë në internet, ku shumë ndjekës kanë dalë në mbështetje të saj, ndërsa të tjerë e kanë kritikuar për qëndrimin e saj publik.
