Shkup, 29 janar – Kryetari i Bashkimit të Odave Ekonomike, Trajan Angelovski sot në emisionin “Biznes21” në TV21 theksoi se duhet të reformohet administrata publike dhe aparati shtetëror.
“Kemi një situatë të pabarabartë. Kohët e fundit nuk kemi komentuar nëse të gjithë punonjësit në administratën publike vijnë rregullisht në punë. Dikur kishim përshtypjen se nuk vinin dhe paguheshin”. Në çdo kompani normale, nëse nuk paraqitesh në punë për tre ditë, të pushojnë nga puna. “Në administratën shtetërore ndodhte që dikush të mos vinte në punë dhe të merrte rrogën”, thotë Angelovski.
